Ljetnje računanje vremena počelo je noćas pomjeranjem časovnika za jedan sat unaprijed, odnosno sa dva na tri sata ujutro.
Ljetnje računanje vremena počinje posljednje nedjelje u martu u dva sata ujutru, a završava se posljednje nedjelje u oktobru.
Ideja o zimskom i ljetnjem računanju vremena zasnovana je na astronomskoj okolnosti da u januaru sunce izlazi tek oko 8 sati, a zalazi u 16 sati.
U julu, kada je dan duži, sunce izlazi prije 5 sati, a zalazi poslije 21 sat.
Ljetnje računanje vremena je uvedeno kako bi ljudi imali sat vremena dnevnog svjetla više, ali kako se bliži zima, dan je sve kraći te mnogo ljudi započinje i završavaju radni dan u mraku, uz malo mogućnosti da provedu vrijeme na sunčevoj svjetlosti.